శానిటేషన్, వీధి దీపాలు, కల్వర్టులు, సీసీ రోడ్ల సమస్యలు ఎక్కువగా ఉన్నాయని.. గుర్తించిన ప్రతీ సమస్యను పరిష్కరించేందుకు కృషి చేస్తానన్నారు. ప్రజలు తన దృష్టికి తీసుకువచ్చిన చాలా సమస్యలను అధికారుల సాయంతో తక్షణమే పరిష్కరించామని ఎమ్మెల్యే రోహిత్ రెడ్డి పేర్కొన్నారు. తాండూరు అభివృద్ధికి తాను కట్టుబడి ఉన్నానని, పార్టీలకతీతంగా స్థానిక నేతలు సహకరించాలని కోరారు. ముఖ్యమంత్రి కేసీఆర్, మంత్రి కేటీఆర్ సహకారంతో తాండూరు అభివృద్ధికి అధిక నిధులు తీసుకువచ్చేందుకు నిరంతరం కృషి చేస్తానన్నారు.
త్వరలోనే మంత్రి కేటీఆర్ తాండూరులో పర్యటించనున్నట్లు తెలిపారు. తాను ఎమ్మెల్యే అయిన మొదటి సంవత్సరం ఎన్నికలతోనే కాలం గడిచిందని.. రెండవ ఏడాది కరోనా మహమ్మారి ప్రజల జీవితాలను అతలాకుతలం చేసిందన్నారు. ఇప్పుడు పరిస్థితులు చక్కబడుతుండటంతో పూర్తిగా అభివృద్ధిపై దృష్టి సారించామని చెప్పారు. ఆర్థిక సంక్షోభంలో సైతం దేశంలో ఎక్కడా లేని విధంగా సీఎం కేసీఆర్ సంక్షేమ పథకాలు అమలు చేస్తున్నట్లు ఎమ్మెల్యే రోహిత్ రెడ్డి తెలిపారు.
]]>ప్రజలు ఆయన దృష్టికి తీసుకువస్తున్న సమస్యలను తక్షణమే పరిష్కరించాలని సంబంధిత అధికారులను ఆదేశిస్తున్నారు. పట్టణంలోని వార్డుల్లో నెలకొన్న అన్ని సమస్యలను విడతలవారీగా పరిష్కరిస్తానని ఆయన హామీ ఇచ్చారు. సైడ్ కాల్వలు, సిసి రోడ్ల నిర్మాణానికి నిధులు మంజూరు చేస్తామని చెప్పారు. ప్రభుత్వ సహకారంతో తాండూరును సమస్యలు లేని నియోజకవర్గంగా తీర్చిదిద్దుతానన్నారు.
]]>మూడు రోజుల పర్యటన ముగింపు సందర్భంగా ఎమ్మెల్యే మాట్లాడుతూ.. తాండూరు నియోజకవర్గ అభివృద్ధికి తాను కట్టుబడి ఉన్నానని, పూర్తి స్థాయిలో మార్పుకు కొంత సమయం పడుతుందన్నారు. టీఆర్ఎస్ ప్రభుత్వ హయాంలో రాష్ట్రం అభివృద్ధి, సంక్షేమం దిశగా దూసుకుపోతుందని ఆయన అన్నారు.
సీఎం కేసీఆర్, మంత్రి కేటీఆర్ సహకారంతో నియోజకవర్గాన్ని అభివృద్ధి పథంలో నడిపిస్తానని చెప్పారు. ఈ కార్యక్రమం విజయవంతం అయ్యేందుకు సహకరించిన స్థానిక ప్రజాప్రతినిథులు, అధికారులు, కార్యకర్తలు, ప్రజలకు ఎమ్మెల్యే ధన్యవాదాలు తెలిపారు.
]]>
తాండూరు మున్సిపాలిటీ పరిధిలో ప్రతీ ఇంటికి నల్లా కనెక్షన్ ఏర్పాటు చేసి తాగునీటికి ఎలాంటి ఇబ్బందులు లేకుండా చర్యలు తీసుకుంటున్నట్లు తెలిపారు. మిషన్ భగీరథ కోసం పట్టణంలో తవ్విన గుంతలకు త్వరలోనే మరమ్మతులు చేపడతామన్నారు. పట్టణంలో మురుగు కాల్వలు, సీసీ రోడ్ల నిర్మాణానికి అధిక ప్రాధాన్యత ఇస్తున్నట్లు పేర్కొన్నారు. విద్యుత్ శాఖ అధికారులు నిర్లక్ష్యం వీడి పని చేయాలని ఎమ్మెల్యే సూచించారు. కార్యక్రమంలో భాగంగా 1, 2, 3, 4, 5, 6, 25 వార్డుల్లో ఈ రోజు పర్యటించనున్నారు.
]]>
పట్టణంలో పర్యటిస్తున్న ఎమ్మెల్యే రోహిత్ రెడ్డి తాండూరు హైదరాబాద్ రోడ్డులోని జిపిఆర్ గార్డెన్స్ సమీపంలో జిల్లా కలెక్టర్ పౌసమి బసుతో కలిసి మొక్కలు నాటారు. ఈ సందర్భంగా ఆయన మాట్లాడుతూ.. భావి తరాలను దృష్టిలో ఉంచుకొని ముఖ్యమంత్రి కేసీఆర్ హరితహారం కార్యక్రమాన్ని ప్రారంభించినట్లు తెలిపారు. పర్యావరణ పరిరక్షణ కోసం మొక్కలు నాటి సంరక్షించాల్సిన బాధ్యత ప్రతి ఒక్కరిపై ఉందన్నారు.
]]>ప్రజల సంక్షేమం, అభివృద్ధి కోసం చేసే ఏ కార్యక్రమానికైనా సరే ఆటంకం కలిగిస్తే ఎంతటి వారైనా సరే సహించేది లేదన్నారు. వార్డుల్లో నెలకొన్న దీర్ఘకాలిక సమస్యలను పరిష్కరించి మౌలిక వసతుల కల్పనకు కృషి చేస్తానని ఎమ్మెల్యే రోహిత్ రెడ్డి పేర్కొన్నారు. అందుకు అవసరమైన నిధుల మంజూరు కోసం మంత్రి కేటీఆర్ను కోరనున్నట్లు తెలిపారు.
తాను ప్రజలకు ఇచ్చిన హామీ మేరకు పాత తాండూరులో అర్బన్ హాస్పిటల్ మంజూరు చేయించినట్లు తెలిపారు. పాత తాండూరు రైల్వే బ్రిడ్జి నిర్మాణానికి గతంలో ప్రతిపాదనలు సరిగ్గా లేనందునే ఆలస్యం అయ్యిందని, త్వరలోనే బ్రిడ్జి పనులు ప్రారంభిస్తామని చెప్పారు.
]]>